Woh kaagaz ki kashti woh baarish ka paani

Woh kaagaz ki kashti woh baarish ka paani
Jaise kahin koi adhuri kahaani
Yaad hai mujhko ab tak zubaani
Woh kahaani jo ho gayi puraani!

Woh kaagaz ki kashti woh baarish ka paani
Bachpann chod ubharti jawaani
Dono ke dilon mein pyaas anjaani
Tu mera deewana main teri deewani!

Woh kaagaz ki kashti woh baarish ka paani
Hawaaon mein woh muhobbat ki rawaani
Dilon ka zor se dhadkna woh mausam baimaani
Momh ke jaise pighalte armaan woh roomaani!

Woh kaagaz ki kashti woh baarish ka paani
Woh toofaan ka aana woh kehar aasmaani
Woh kashti doobi reh gaya paani
Jaise apni adhuri prem kahaani!