kaun kahataa hai mohabbat ki zubaaN hoti hai
ye haqeeqat to nigaahoN se bayaaN hoti hai
vo na aaye to sataati hai Khalish si dil ko
vo jo aaye to Khalish aur javaaN hoti hai
ruuh ko shaad kare dil ko jo puranuur kare
har nazaare mein ye taanvir kahaaN hoti hai
zabt-e-sailaab-e-mohabbat ko kahaaN tak roke
dil mein jo baat ho aaNkhon se ayaaN hoti hai
zindagii ek sulagati si chitaa hai “Sahir”
sholaa bantii hai na ye bhuj ke dhuaaN hoti hai
No comments:
Post a Comment