Dil Tumhara Hai

tumhen malum hai humne ye kis ko pukara hai
ye sab jaante hain ke dil ka kis taraf ishara hai

na koi aahat hai na koi intizaar ka hi sahara hai
faqat apne dil per nazar hai ghum per guzara hai

khudi se farar ho haasil tou duniya se kinara hai
khudaya her dam zindgi israr her dam ashkara hai

mohabbat her dil se ho jaaye tou ye jazba pyaara hai
ye vo darya hai jisme saahil per dubna bhi gawara hai

chaand ghum na kar kya hua gar na koi tumhara hai
her qadam per jo jalta diya hai yaaro vo dil humara hai

Yaadein

Zindgi mein to tumhari aa na sake, ab khwaabon mein chale aate hain
Tum laakh nazrein pher lo sanam, hum phir bhi chale aate hain

Kahne ko to tum bhul chuki thi, phir bhi anjaane mein pukarti ho
Tum kabhi bhuli nahin thi, sirf jaankar anjaane mein pukarti ho

Mann to mann hai, mann ko kya kahena
Hum aayenge sapno mein, sapno ko kya kahena

Azeez bewafa nahin, tum paas aao ya na aao,
Wo mar ke bhi mara nahin, uski yaadon ko gale se lagao......!!

Aasuon Ko Bahot Samjhaya

Aasuon Ko Bahot Samjhaya,
Ke Tanhaiyon Main Aaya Karo,
Mehfil Main Humara Mazak Mat Udaya Karo,
Is Per Aansoo Tadap Ker Bole,
Itne Logo Main Bhi Aapko Tanha Paate Hai,
Isiliye Tumhara Saath Dene Chale Aate Hai....!!!!

Udaas Dil

aaj fir dil hai kuchh udaas udaas
jaane kyun ek mayusi si chhayi hai
aaj fir palkon pe pani hai
bheer mein hoon fir kyun ye tanhai hai

Tanhai

Hum teri dhun main jia kartay thay
Man me hi chup chaap phira kartay thay
Aankhon main pyaas hua karti thi
Dil main tufan utha kartay thay

Log aatay thay ghazal sunnay ko
Ham teri baat sunaya kartay thay

Sach Samajhte thay teri muhobbat ko
Dil main kya phool khila kartay thay

Ghar ki dewaar sajaanay ki khaatir
Ham tera naam likha kartay thay

Wo bhi kia din thay, tujhay bhula kar
Ham tujhay yaad kia karta thay

Kal tujhay daik kar yaad aaya
Ham bhi kabhi Muhabbat kia kartay thay

Raaz-e-Ulfat chupa ke dekh liya :: Faiz Ahmed Faiz ::

Raaz-e-Ulfat chupa ke dekh liya
Dil bahut kuch jalaa ke dekh liya

Woh mere ho ke bhi mere na huai
Un ko apna bana ke dekh liya

Aur kya dekhne ko baaki hai
Aap se dil laga ke dekh liya

Faiz, takmeel-e-gam bhi ho na sake
Ishk ko Aazma ke dekh liya

Ek Sher

AADMI KE KHWAISHON KI KOI INTEHAA NAHI

DO GAZ ZAMEE(N) BHI CHAHIYE, DO GAZ KAFAN KE BAAD.

Kuch Sher

KOI HUM-NAFS NAHI HAI KOI RAZDAA(N) NAHI HAI
FAQT EK DIL THA APNA SO WOH MEHERBAA(N) NAHI HAI.

MARNE KA TERE GAM MEIN IRAADA BHI NAHI HAI
HAI ISHQ MAGAR ITNA ZIYAADA BHI NAHI HAI.

INHI PATHAROO PAR CHAL KAR AGAR AA SAKOO TO AAOO
MERE GHAR KE RAASTE MEIN KAHI KEHKASHAA(N) NAHI HAI.

KYO DEKHTE REHTE HAI SITAAROO KI TARAF HUM
JAB UN SE MULAKAAT KA WADA BHI NAHI HAI.

TABIYAAT IN DINO BEGAANA-E-GAM HOTI JAATI HAI. :: Jigar Muradabaadi ::

TABIYAAT IN DINO BEGAANA-E-GAM HOTI JAATI HAI.
MERE HISSE KI GOYA HAR KHUSHI KAM HOTI JAATI HAI.


WAHI HAI SHAAHID-O-SAAQI, MAGAR DIL BUJHTA JATA HAI.
WAHI HAI SHAMMA LEKIN ROSHNI KAM HOTI JAATI HAI.

QAYAMAT KYA YEH AY HUSN-E-DO.AALAM HOTI JAATI HAI.
KE MEHFIL TO WAHI HAI, DIL-KASHI KAM HOTI JAATI HAI.

WAHI MAIKHAANA-O-SEHBA, WAHI SAAGAR, WAHI SHEESHA
MAGAR AAWAZ-E-NOSHA.NOSH MADDHAM HOTI JAATI HAI.

WAHI HAI ZINDAGI LEKIN JIGAR YEH HAAL HAI APNA
KE JAISE ZINDAGI SE ZINDAGI KAM HOTI JAATI HAI.

KOI UMEED BAR NAHI AATI :: Galib ::

KOI UMEED BAR NAHI AATI
KOI SURAT NAZAR NAHI AATI

MAUT KA EK DIN MOIYAN HAI
NEEND KYO RAAT BHAR NAHI AATI

AAGE AATI THI HAAL-E-DIL PAR HA(N)SI
AB KISI BAAT PAR NAHI AATI

HAI KUCH AISI HI BAAT KE CHUP HOON
WARNA KYA BAAT KAR NAHI AATI

HUN WAHA JAHA SE HUM KO BHI
KUCH HAMARI KHABAR NAHI AATI

MARTE HAI AARZOO MEIN MARNE KI
MAUT AATI HAI PAR NAHI AATI

KABE KIS MUH SE JAAOGE GHALIB
SHARM TUM KO MAGAR NAHI AATI

PHIR SE KUCH EK DIL KO BEKARARI HAI :: Galib ::

PHIR SE KUCH EK DIL KO BEKARARI HAI
SEENA JOYA-E-ZAKHAM KAARI HAI

PHIR USI BEWAFAA PE MARTE HAI
PHIR WAHI ZINDAGI HAMARI HAI

BEKHUDI BE SABAB NAHI GHALIB
KUCH TO HAI JIS KI PARDA-DAARI HAI

Kuch Sher

1.
LE DEKE APNE PAAS FAQAT EK NAZAR TO HAI
KYO DEKHE ZINDAGI KO KISI KI NAZAR SE HUM

2.
RONE SE AUR ISKH MEIN BEBAK HO GAYE
DHOYE GAYE HUM ITNE KE BAS PAAK HO GAYE

3.
KARNE GAYE THE UN SE TAGAFUL KA HUM GILA
KI EK HI NIGAAH KE BAS KHAAK HO GAYE

4.
RAAT KO PI, SUBHA KO TAUBA KARLI
RIND KE RIND RAHE, HAATH SE JANNAT BHI NAGAYI

5.
GAR PHIRDOS BEROOH-E-ZAMEEN AST
HAMI AST, HAMI AST HAMI AST

PARINDE KI FARYAAD

Aata hai yaad mujhko guzraa huwa zamaana
Woh baag ki bahaare woh sab ka chechahana

Azaadiyaa kaha woh ab apne ghosle ki
Apni khushi se aana, Apni khusi se jaana

Lagti hai chot dil par, Aata hai yaad jis dam
Shabnam ke Aasuoon par Kaliyoo ka muskuraana

Woh pyaari pyaari surat, woh kaamini si murat
Aabad jis ke dam se tha mera Aashiyaana

Aati nahi Sadaayee us ki mere kafas mein
Hoti meri rihaahi ay kaash mere bas mein

kya bad-naseeb hoo mein Ghar ko taras raha hoon
Saathi to hai watan mein, mein kaid mein pada hoon

Aayi bahaar, kaliya phoolo ki has rahi hai
mein is andhere ghar mein kismat ko ro raha hoon

Is kaid ka Ilaahi, dukhda kise sunaoo
dar hai yahee kafas mein, mein gam se mar na jaooo

Jab se chaman choota hai yeh haal ho gaya hai
Dil gam ko kha raha hai, Gam dil ko kha raha hai

Gaana ise samajh kar khush ho na sun-newale
Dukhe huwee diloo ki faryaad, yeh sada hai

Azaad mujh ko kar de O kaid karne wale
Mein bezoobaa hoon kaidi, mujhe chod kar dua le !

Apne Maazi ke tasaavoor se hiraasa hoon mein :: Faraar ::

Apne Maazi ke tasaavoor se hiraasa hoon mein (hiraasa : pareshaan)

Apne guzre hue ayyaam se nafrat hai mujhe

Apni bekaar tamanaaoo pe sharminda hoon

Apni be-sood umeedoo pe nidaamat hai mujhe (be-sood : useless)



Mere maazi ko andhere mein daba rehne do

Mera maazi meri zilat ke siwa kuch bhi nahi

Meri umeedoo ka hasil meri kaavish ka sila (kaavish : research)

Ek benaam aziyat ke siwa kuch bhi nahi (aziyat : torment)



Kitni bekaar umeedoo ka sahara le kar

Mein-ne aiwaan sajaa-ye the kisi ke khaatir (aiwaan : palace)

Kitni be-rabt tamanaoo ke mabham khaake (be-rabt : unfulfilled)

Apne khwaaboo mein basaa-ye the kisi ke khaatir (mabham : hidden)

(khaake : sketches)

Mujh se ab meri mohabbat ke fasaane na kaho

Mujh ko kehne do ke mein-ne Unhe chaaha hi nahi

Aur woh mast nigaahe jo mujhe bhool gayi

Mein-ne Un mast nigaahoo ko saraaha hi nahi (saraaha : approve)



Mujh ko kehne do ke mein aaj bhi jee sakta hoon

Ishk nakaam sahi, zindagi nakaam nahi

Un ko apna-ne ki khawaaish, Unhe paane ki talb

Shauk bekaar sahi, sa'i-gam anjaam nahi (sai-gam : to be sad)



Wahi ghesoo wahi nazar wahi aaridh wahi jism (aaridh : cheeks)

Mein jo chahoo ke mujhe aur bhi mil sakte hai

Woh kawal jin ko kabhi un ke liye khilna tha (kawal : lotus)

Un ki nazrooo se bahut door bhi khil sakte hai

Hydrabadi Shayari

Hatha me hath milake,
Hatha me hath milake,
anguthi churake chali gayi,
abhi gale milne ko aari,
kya karati ki kya ki……

chay pine ko aake,
chay pine ko aake,
shakkar churake chali gayi,
abhi full meals ko aari,
kya karati ki kya ki……..

pahalich mulakat me ,
pahalich mulakat me ,
five star me chuna lagai,
abhi date pe leke jao bolari,
kya karati ki kya ki……….

sagai sagai bolake,
sagai sagai bolake,
puri shopping karali,
abhi shadi shadi bolari
kya karati ki kya ki…….

Der lagi aane mein tumako shukar hai phir bhi aaye to

Der lagi aane mein tumako shukar hai phir bhi aaye to
aas ne dil ka saath na chhodaa vaise ham ghabaraye to

shafaq dhanuk mahataab ghatayen tare nagmen bijali phool
us daaman mein kya kya kuch hai vo daaman haath mein aaye to

suni sunaai baat nahin hai apane upar biti hai
phool nikalte hain sholon se, chaahat aag lagaye to

jhuuth hai sab taarikh hamesha apane ko dohoraati hai
achchha mera Khvaab-e-javaani thodaa sa doharaye to !

Sar jhukaoge to patthar devata ho jaayega :: Bashir Badr ::

Sar jhukaoge to patthar devata ho jaayega
itana mat chaho use wo be-wafa ho jaayega

ham bhi dariya hain hamen apana hunar maalum hai
jis taraf bhi chal padenge rasta ho jayega

kitani sachchai se mujhase zindagi ne kah diya
tu nahin mera to koi dusara ho jayegaa

main Khuda ka naam le kar pi raha huun doston
zahar bhi is me agar hoga davaa ho jayegaa

ruuth jana to mohabbat ki alaamat hai magar
kya Khabar thi mujh se wo itanaa Khafaa ho jayega

rishton mein darar aaye

rishton mein darar aaye
bete na rahe bete
bhai na rahe bhai
rishton mein darar aaye

parkha hai lahu apna, bharata hai zamane ko
tufano mein koi bhi, aaya na bachane ko
sahil pe nazar aayee
kitane hi tamasai

Dhoondane se nahi milta, raahat ka jahan koi
TooTe huwe damo ko, le jaye kahaN koi
har mod pe hoti hai
ehsaas ki rusvaai

zakhmon se khili kaliyan, ashkon se khili shabnam
patthar ke daricHe se, aaya hai naya mausam
raaton ki siyali se
li subho ne angadai

apane haathon ki lakiron main basaale mujhko :: Qateel Shifai ::

apane haathon ki lakiron main basaale mujhko
main hoon tera, to nasib apana bana le mujhko..

mujhse tu puchane aayaaa hai wafaa ke maani
yeh teri sadaa-dili maar na daale mujhko...

main samandar bhi honn, moti bhi hoon, gotaazan bhi
koi bhi naam meraa,,, leke,,, bula le mujhko ..

tune dekhaa nahin aaine se aage kuchh bhi
khudaparasti main kahin tu na ganvaale mujhko..

kal ki baat aur hai main ab saa rahoon yaa na rahoon
jitanaa ji chaahe teraa,, aaj sataale mujhko..

khud ko main baant na daaloon kahin daaman-daaman
kar diyaa tuune agar mere havaale mujhko..

main jo kaantaa hoon to chal mujh se bachaakar daaman
main hoon gar phuul to joode main sajaale mujhko...

main khule dar ke kisi ghar kaa hoon saamaan pyaare
tu dabe paanv kabhi aake churaale mujhko...

tark-e-ulfat ki qasam bhi koi hoti hai qasam
tu kabhi yaad to kar bhoolane-vaale mujhko...

baadaa phir baadaa hai main zahar bhi pi jaaoon "Qateel"
shart ye hai koi baahon main sambhale mujhko...

ranjish hi sahi dil hi dukhaane ke liye aa :: Ahmed Faraz ::

ranjish hi sahi dil hi dukhaane ke liye aa
aa phir se mujhe chho.D ke jaane ke liye aa

pahale se maraasim na sahi phir bhi kabhi to
rasm-o-rahe duniyaa hi nibhaane ke liye aa

kis kis ko bataayenge judai kaa sabab ham
tu mujh se Khafaa hai to zamaane ke liye aa

kuchh to mere pindaar-e-muhabbat ka bharam rakh
tu bhi to kabhi mujh ko manaane ke liye aa

ek umr se huuN lazzat-e-giriyaa se bhi maharuum
ai raahat-e-jaa.N mujh ko rulaane ke liye aa

ab tak dil-e-Khush_faham ko tujh se hain ummiidein
ye aaKhiri shammein bhi bujhaane ke liye aa